Одложувањето на одлуката за законот за употреба на јазиците е во корист на каузата на албанските судии и на Албанците воопшто, вели уставниот судија Осман Кадриу.
-Отсега ја известуваме јавноста дека ние двајцата Албанци нема да учествуваме на таа средба бидејќи за ваша информација на таа средба ништо не може да се постигне. Имавме подготвителен состанок. Немаше друго алиби, немаше друга причина Судот со мнозинство гласови да донесе ваква одлука, но со тоа навреме победуваме, бидејќи по подготвителниот состанок ќе треба одредено време да се подготви нов извештај, вели Кадриу.
На мартовската средба ќе бидат повикани составувачите на иницијативите и експертите од областа, по што ќе треба да се подготви извештај согласно предлозите што ќе бидат дадени, било да се укине законот во целост или да се укинат некои од неговите одредби. Кадриу вели дека дотогаш треба да се искористи времето за подобрување на пропустите на законот.
-Дотогаш албанскиот политички субјект во Владата и во парламентот има време, а јас дадов и конкретни предлози за да се интервенира и во Законот, бидејќи законот како закон има одредени недостатоци и нејаснотии. Меѓу нив се обидов и ја добив првата битка да му се даде на Законот уставен статус, бидејќи законот е уставен, вели Кадриу.
Покрај правните недостатоци, судијата Кадриу бара статусот на албанскиот јазик да се регулира и во Уставот.
-Ако има потреба, а мислам дека има потреба, информиран и албанскиот политички субјект, мора уште еднаш да се отвори Уставот за да се разјасни прашањето за албанскиот јазик како службен, не само како право на припадниците на албанската нација, но албанскиот јазик како колективно право на Албанците во Северна Македонија, вели Кадриу.
Уставниот суд пред еден ден ја одобри одлуката за одржување на подготвителна седница за „Законот за јазиците“, на која ќе се слушаат мислењата на експертите. Единствена што се спротивстави беше судијката Добрила Кацарска, која дури и се судри со судијката Ана Павловска-Данева. Кацарска оцени дека никој не треба да каже каква одлука да се донесе за работи кои самите уставни судии треба да ги знаат.
Според други судии, работата е многу чувствителна и важно е да се слушнат странките. Претседателот Дарко Костадиновски рече дека прашањето е доста комплицирано, затоа треба да има мислења на експерти, особено за тоа како Уставниот суд ќе го толкува амандманот 5 од Уставот, на кој службен јазик во државата, покрај македонскиот, е и другиот јазик што го зборуваат најмалку 20% од граѓаните на земјата.
Предметот за „Употребата на законот за јазици“, кој беше формиран од 13 иницијативи на десетици македонски граѓани, професори и партии, се чуваше во фиока 5 години по ред.
