Не стивнуваат бурните реакции на јавноста по синоќешното соопштение на МВР во кое граѓаните беа известени дека нивните возачки дозволи нема да важат ако нема ,,Северна”. Со своја реакција се јави и политичката партија ,,Левица”. Реакцијата ја пренесуваме во целост:
– Министерството за внатрешни работи предводено од ДПМНЕ, со сила, предавнички и надвор од здравиот разум со шокантна објава ја информираше јавноста дека од утре возачките дозволи без “Северна” нема да важат.
‼️Иако претходно лажеа како Спасовски така и техничкиот министер Тошковски дека возачките без “Северна” ќе важат, сепак во последен момент излезе на виделина дека нашите граѓани ќе бидат оставени на немилост. Дополнително, во недостиг на државнички капацитет и во потчинета меѓународна позиција, СДС и ДПМНЕ сега ќе го ограничуваат движењето на граѓаните и во рамки на нашите граници.
– Таканаречениот ,,Преспански договор” кој го поткопа македонскиот идентитет и право на самоопределување, дополнително преку наметнатата промена на веќе важечки документи не става во понеповолна положба во однос на останатите странци во државата кои ќе имаат право слободно да се движат, да возат автомобил, а ние како граѓани од трет ред нема да смееме слободно да се движиме ниту да управуваме возила. Со измени во законите за промена на пасоши, лични карти и возачки дозволи спротивно на Уставот се ограничи правото на слободно движење кое е загарантирано и стекнато цивилизациско право.
Овие пранги кои антимакедонската влада на СДС и ДУИ му ги стави на македонскиот народ, ДПМНЕ сега ги унапредува.
Само за #Левица, “Северна” не е реалност, чии пратеници ќе поднесат предлог за продолжување на важноста на возачките дозволи по итна постапка, стои во нивната објава на социјалните мрежи.
