Рекордна лото-премија во вредност од околу 669.000 евра се падна во Визбегово. Односно таму е направена уплатата, која беше извлечена како добитна во саботата, на 26 јуни.
Добитникот, според податоците уплатил 10 лото-комбинации.
Ова е четврта 7-ка од играта на среќа Лото 7, а 25-та лото-премија од почеток на приредување на лото-игрите на среќа, од 2010 година наваму
Во историјата на лото-игрите на среќа, на Државна лотарија, за 7-ка досега се славеше во градовите: Свети Николе, Неготино, Тетово, Струмица Кавадарци, Кичево, Куманово, Битола и Скопје. Од скопските општини, на мапата на 7-ката, запишани се Општина Центар, Гази Баба, Кисела Вода, Чаир и Општина Бутел каде што по вторпат паѓа премија, овој пат во населбата Визбегово.
