Македонската фудбалска репрезентација забележа пад од едно место на најновата ранг листа која ја објави Светската фудбалска федерација (ФИФА).
Нашата селекција има 1348.63 бодови што е доволно за 72. позиција на светското фудбалско рангирање, поточно ние сме во европско друштво затоа што од 70 до 75 место се Грузија, Исланд, Црна Гора, Северна Ирска и Босна и Херцеговина.
Кога е во прашање самиот врв нема промени и таму останува Аргентина која пред неколку дена го одбрани трофејот на Копа Америка.
Франција исто го задржа своето место, додека трета сега е Шпанија која благодарение на триумфот на Европското првенство отиде напред пет чекори.
Потоа следуваат Англија, Бразил, Белгија, Холандија, Португалија, Колумбија и Италија која ја затвара првата „десетка“.
