Капитенот на фудбалската репрезентација на Македонија и член на Динамо Загреб, Стефан Ристовски, третпат во кариерата е дел од идеалниот тим во првенството на Хрватска. Изборот е направен од Синдикатот на професионални фудбалери во оваа земја.
Македонскиот репрезентативец заслужи место во најдобрите 11 со одличните игри во дресот на „модрите“ во изминатата сезона 2021/2022.
Стефан Ристовски претходно беше дел од најдобриот тим во Хрватска и во сезоните 2015/2016 и 2016/2017 кога беше член на Ријека.
