Малолетен кавадарчанец ја нападнал мајка си, а лице од неготинско село го нападнал својот брат во текот на вчерашниот ден. Двајцата биле приведени и против нив ќе следува соодветна пријава.
– Полициски службеници од ОВР Кавадарци во 20:30 часот лишиле од слобода малолетник, затоа што во семејниот дом физички ја нападнал неговата 34-годишна мајка. За настанот се известени јавен обвинител и Центарот за социјални работи Кавадарци. Малолетникот бил предаден на Центарот за социјални работи и по документирање на случајот, ќе следува соодветен поднесок, појаснуваат од СВР Велес.
Претходно, во 11:20 часот, полициски службеници од ОВР-Неготино го лишиле од слобода З.Н., на возраст од 39 години, од неготинско село, затоа што физички го нападнал неговиот 49-годишен брат. Известен бил јавен обвинител и по документирање на настанот, против него ќе биде поднесена соодветна пријава.
