Македонија само за месец март се соочува со инфлација од 14 проценти, во еврозоната истата е два пати помала, изјави денеска Христијан Мицкоски. Според него владата на ДУИ и СДСМ знае дека за неколку месеци си заминува па затоа се обидува да ги испокраде граѓаните и да избега од правдата, но како што рече тој тие нема да можат да се сокријат.
– Ако е увезена инфлацијата тогаш се поставува прашањето зошто еврозоната има два пати помала инфлација од Македонија. Во март е повеќе од 14 проценти инфлацијата во Македонија, а пак во еврозоната е два пати помала. Не е тоа. Проблемот е затоа што ем не ги бидува, ем не знаат, ем многу крадат. Знаат дека доаѓа денот, за неколку месеци од денеска заминуваат и мислат дека сега ќе испокрадат и ќе избегаат потоа од државата и правдата нема да ги стигне. Но јас ве уверувам дека нема каде да се скријат. На крај на свет ќе ги најдеме и ќе ги донесеме овде, но и со куферите да ги вратат парите на народот што ги украле, истакна Мицкоски.
Мицкоски на крајот истакна дека тој гарантира дека тоа ќе се случи.
