На натпреварите во домашната македонска кошаркарска лига ќе им претходи изведување на македонската државна химна. Ова вчера го најави градоначалник на скопската општина Аеродром Тимчо Муцунски каде веќе е воведена пракса секој понеделник во основните училишта да се интонира химна пред постороените ученици.
Со интонирање на химната, вчера започна и натпреварот помеѓу МЗТ Скопје Аеродром и кошаркарскиот клуб Гостивар.
-Драго ми што идејата за интонирање на химната во училиштата, предизвика позитивен интерес и доби масовна поддршка од јавноста. Благодарам за поддршката во напорите да го поттикнеме и зајакнеме националното чувство кај младите аеродромци. Според информациите кои јас ги имам отсега сите натпревари во домашната лига ќе започнуваат со македонската химна. Ја поздравувам и поддржувам оваа одлична идеја на Кошаркарската федерација на Македонија, објави Муцунски на социјалните мрежи.
