Болницата Салем во Масачусетс соопшти дека над 450 пациенти потенцијално би можеле да бидат заразени со ХИВ и хепатитис, објави локалниот медиум „Boston 25 News“. Според станицата, портпаролот откри дека пациентите со ендоскопија во болницата во Салем биле потенцијално изложени на ХИВ и хепатитис откако интравенски лекови не биле администрирани според болничкиот протокол.
– Инфекциите за кои ги тестираме се Хепатитис Б, Хепатитис Ц и ХИВ, кои се стандардни тестови за потенцијална изложеност од ваков вид, рече портпаролот на болницата во Салем, во изјава за „Pеопле“. Речиси 450 пациенти, беа потенцијално погодени во период од приближно две години.
Сепак, тие додадоа дека шансите за инфекција се „исклучително мали“ и дека во моментов нема пријавени инфекции.
– Доколку пациентите не биле известени, не треба да бидат загрижени, се вели во соопштението. „Сите потенцијално погодени се известени“.
Болницата им се извинила „на оние кои биле погодени“ и има за цел да продолжи да обезбедува „висококвалитетна здравствена заштита на заедницата“.
