Најмалку 13 лица загинаа откако руски ловец-бомбардер се урна во станбен блок во јужниот руски град Јејск, соопштија властите.
Двајцата пилоти на авионот СУ-34, на тренинг лет, се катапултирале пред леталото да удри во зградата и предизвикале огромен пожар. Меѓу жртвите има и три деца.
Официјалните лица рекоа дека 68 лица биле спасени од пожарот во деветкатницата. Деветнаесет повредени се згрижени по несреќата .
-Според извештајот на пилотите, кои управувале со авионот, причина за падот бил пожар во еден од моторите за време на полетувањето, соопшти руското министерство за одбрана.
Рускиот пристанишниот град Јејск се наоѓа во близина на воената зона на истокот на Украина,и се користеше како главен полигон за обука на руската поморска авијација.
Рускиот истражен комитет соопшти дека отворил кривично дело и испратил инспектори на местото на настанот.
