Најмалку пет луѓе загинаа во шумските пожари кои беснеат низ округот на Лос Анџелес, изјави гувернерот на Калифорнија, Гевин Њусом, пренесува Н1. Пожар го зафати и Холивуд Хилс, каде е издадена наредба за евакуација.
Пожарот има и на крајбрежното подрачје помеѓу Малибу и Санта Моника, област во која живеат многу филмски, музички и други ѕвезди. Зафатени беа речиси 6.500 хектари. Уништени се најмалку 1.000 објекти, што го прави овој пожар најразорниот досега во округот Лос Анџелес. Сите училишта во областа денеска ќе бидат затворени, а две изгореа до темел.
Силните ветрови го отежнуваат гаснењето на пожарот, а во моментов низ областа Лос Анџелес горат шест пожари. Издадена е наредба за евакуација на 130.000 луѓе, а мобилизирани се повеќе од 7.500 пожарникари.
Во моментов работат четири засолништа за оние кои останале без кров над глава, а во нив може да се сместат околу 500 луѓе.
Американскиот претседател Џозеф Бајден го откажа патувањето во Рим со цел да се фокусира на ситуацијата со пожарите во областа на Лос Анџелес.
A friend who lives in Pacific Palisades sent me these horrific videos of the fire.
He just evacuated and said traffic was so bad people abandoned their cars. pic.twitter.com/mbOjz8QAf9
— Jon Michael Raasch (@JMRaasch) January 7, 2025
