Белгиските власти уапсија маж кој пред неколку дена нападна млад човек со месарски нож на железничката станица Брисел-Југ. Против него е покренато обвинение за однапред испланиран напад, пишува „Брисел тајмс“.
Имено, во вторникот наутро, маж ненадејно со нож нападнал 17-годишно момче и во таа прилика извикал „Алаху акбар“. Тој го пресекол тинејџерот и го избодел неколку пати, а тоа го покажува и видеото кое се појави на социјалните мрежи.
Тинејџерот се здобил со повреди, но тие не се опасни по живот.
Недолго по инцидентот, напаѓачот (18) бил уапсен и приведен, а обвинителите изјавиле дека нападот се случил како последица на претходен конфликт меѓу двајца млади момчиња.
