Невролозите и експертите од невронауката издвоија намирници кои може негативно да влијаат на здравјето на мозокот. На таа листа се најде и многу популарна храна, па затоа се советува внимателност.
Како што објаснуваат за „Хафингтон пост“, иако повремено уживањето во одредени намирници кои не се добри за мозокот е генерално во ред, има и намирници кои невролозите ги избегнуваат и никогаш не ги консумираат токму поради нивните лоши ефекти врз здравјето на мозокот. Тоа се следниве намирници:
– протеински прав
– газирани пијалаци
– маргарин
– пиво
– кафе без кофеин
– пржена храна
На прво место се најде протеинскиот прав. Ако го додавате во своите напивки, потенцијално правите голема грешка, бидејќи тој е богат со вештачки засладувачи.
„Тие адитиви се причината поради која не користам протеински прашоци бидејќи тие го уништуваат вашиот гастроинтестинален микробиом. Здравиот внатрешен микробиом е толку важен за здравјето на мозокот бидејќи повеќето од нашите невротрансмитери се произведуваат во цревата“, објаснила д-р Фридерике Фабрициус.
