Сарацин, а и тие што му дале налог така да „верува“ малку повеќе си „дозволиле“, секоја земја за својата територија си носи свои суверени одлуки, реагира поранешен министер за финансии и професор Никола Поповски по изјавата на специјалниот пратеник на СР Германија за Западен Балкан, Мануел Сарацин за тоа дека Македонија не можела сама да ги менува транспортните коридори.
На неговиот Фејсбук-профил Поповски објави став дека Брисел требаше на време да мисли за „нивните“ коридори.
Постот на Никола Поповски го пренесуваме во целост:
-Извесен специјален германски пратеник за Западен Балкан по име Мануел Сарацин изјавил (според медиумските известувања), дека „транспортните коридори во Европа се во надлежност на Брисел“ и дека тој верува „дека не е во надлежност на една земја да ги менува европските приоритети во транспортната политика“. Веројатно е така за тие земји што самите си одлучуваат за тоа во Брисел. За оние што не се членки (како нас) и што со години ги „дриблаат“ како што самите си сакаат, не треба да „верува“ ни тој ни тие во Брисел дека „не е во надлежност на една земја да ги менува европските приоритети во транспортната политика“. Секоја земја за својата територија си носи свои суверени одлуки. А за тоа дека тој разбрал „дека Бугарија е збунета, но и загрижена“ во врска со тоа нека се праша зошто ние би ги следеле одлуките на некои институции на кои не припаѓаме, ниту во догледно време од 20+ години ќе припаѓаме. Сарацин, а и тие што му дале налог така да „верува“ малку повеќе си „дозволиле“. Требаше на време да мислат за „нивните“ коридори што биле „во надлежност на Брисел“!, пишува професорот Никола Поповски.
