Во последните 24 часа од направени 3.597 тестирања регистрирани се 656 нови случаи на ковид-19. Оздравени се 273 пациенти, а починаа 13 лица, соопшти Министерството за здравство.
Од новозаразените, 257 се во Скопје, во Битола – 38, Куманово – 34, Прилеп – 31, Штип – 30, Кавадарци – 27, Тетово – 26, Велес – 24, Кочани – 23, Охрид и Крива Паланка – по 18, Струмица, Неготино и Делчево – по 13, Гевгелија – 12, Кратово – 11, Радовиш – 10, Ресен, Пробиштип и Демир Хисар – по осум, Струга – шест, Кичево, Свети Николе, Крушево и Македонска Каменица – по четири, Берово, Виница, Богданци и Демир Капија – по три.
Во Скопје починати се четири лица на возраст од 67, 76, 80 и 86 години, две починати лица од Куманово (65г и 70г) и по едно починато лице од Гевгелија (71г), Кавадарци (84г), Охрид (76г), Прилеп (71г), Радовиш (70г), Свети Николе (83г) и Штип (74г). Од пријавените лица сите се починати во болнички услови.
Согласно Регистарот на починати лица со дијагноза ковид-19 од Мој Термин, се пријавени осум починати лица со датум на смрт од 31.10.2021 до 08.11.2021. Регистрирани се починати лица од Скопје (4), Прилеп (1), Охрид (1), Кавадарци (1) и Велес (1) на возраст од 49 до 89 години, од кои 2 се починати во домашни услови и 6 во болнички услови.
Вкупната бројка на ковид-дијагностицирани лица во нашата земја од почетокот на епидемијата изнесува 207.566, бројот на оздравени пациенти е 191.922, на починати е 7.276, а бројот на активни случаи изнесува 8.368, од кои 3.822 во Скопје.
