Централниот одбор на Нова социјалдемократска партија – НСДП го разгледа Извештајот за претседателските и парламентарните избори 2024 година поднесен од Централниот изборен штаб на партијата на 10 седница која вчера се оддржа во хотел Хилтон во Скопје. Информираат дека извештајот по плодна и сеопфатна дебата за изборните резултати беше едногласно усвоен.
-По завршувањето на овие избори НСДП останува парламентарна партија со два пратеници во актуелниот собраниски состав.
Централниот одбор на НСДП донесе заклучок во следниот период пратениците да делуваат опозициски, а за начинот и формата на опозициското делување ќе одлучува на следната седница во месец септември, стои во соопштението од партијата.
Претседателот на НСДП и пратеник, Горан Мисовски, како и пратеничката Соња Мираковска со ова ги демантираа сите шпекулации дека наводно би можеле да преминат во владејачкото мнозинство.
Ваквите наводи ги демантираше и претседателката на ЛДП и пратеничка во Собранието, Моника Зајкова.
