Времето денеска ќе биде претежно облачно со врнежи од дожд, наместа пообилни, а на планините и на повисоките места од снег, особено претпладне. Минималната температура ќе биде во интервал од 1 до 6, а максималната ќе достигне од 2 до 8 степени Целзиусови.
Поради продор на студена воздушна маса од север ќе дува засилен северен ветер со брзина од над 65 километри на час и врнежите од дожд ќе преминуваат во снег и во некои од пониските места. На планините висината на снежната покривка позначително ќе се зголеми. Кон крајот на денот врнежите ќе престанат.
Во Скопје ќе биде претежно облачно, во утринските и претпладневните часови со повремени врнежи од дожд, а во повисоките делови од котлината врнежите од дожд ќе преминуваат во снег со слаб интензитет. Попладне врнежите ќе престанат. Ќе дува умерен до засилен северен ветер. Минималната температура ќе се спушти до 3, а максималната ќе достигне до 6 степени.
Според најавите од Управата на хидрометеоролошки работи (УХМР), утре ќе има преодно стабилизирање на времето. Од понеделник под влијание на циклонска активност и студена воздушна маса од север повторно се очекуваат врнежи претежно од снег. На планините висината на снежната покривка дополнително ќе се зголемува, а ќе се формира и во некои пониски места.
