35-годишен маж од скопско вчера се обидел да ограби аптека на подрачјето на Кисела Вода. Тој е уапсен во Центар и кај него се пронајдени пари и пиштол.
– Вчера околу 20 часот во Скопје, во близина на трговски центар на подрачје на Центар, полициски службеници од Единицата за недозволена трговија со дрога и оружје го лишиле од слобода 35-годишниот А.С. од скопско поради основи на сомнение дека околу 19.19 часот во аптека на подрачје на Кисела Вода, со закана одзел пари. При прегледот кај него, биле пронајдени и одземени пари и пиштол за кои постои сомнение дека потекнуваат од кривичното дело, велат од МВР.
А.С. е задржан во полициска станица и по целосно документирање на случајот против него ќе биде поднесена соодветна пријава.
