Државениот инспекторат за животна средина на прес конференција потврдија дека опасен отпад е фрлен на локација во село Орман. Отпадот е од оловни акумулатори и инспекторите најавија кривична пријава.
– По добивање на овластено известување на инспектор од животна средина направен е вонреден инспекциски надзор на 24.10. Утврдивме дека на плац на две физички лица оставена е одредена количина на отпад кој потекнува од рецикал Еко Старт Скопје, со а еколошка дозвола, лоциран на територија на општина Чучер сандево. Отпадот е од оловни акумулатори, рекоа оттаму.
Од инспекторатот соопштија дека иако постои меѓусебен договор меѓу рецикал Еко Старт, и сопствениците на парцелите на локација на приватен имот, несоодветно е транспортиран и складиран отпад на локација која не е наменета за складирање.
– За ваков отпад нема добиено дозвола од Министерството за животна средина што е казниво согласно легислативата, истакнуваат од Инспекторатот.
Во следниот период ќе следат понатамошни акти во инспекциската постапка односно решенија со наредба за безбедно враќање на отпадот во кругот на рецикал Еко Старт во рок од 60 денови и забрана за работа во време од 90 дена.
