Општина Карпош ќе им доделува субвенции на нејзини жители кои ќе купат нови велосипеди – ќе покрива 30 отсто од сумата за платениот велосипед, но најмногу 3.000 денари. Аплицирањето ќе почне утре (7 мај) и ќе трае до исцрпување на предвидените финансиски средства.
– За оваа намена, Општината од својот буџет издвои 500.000 денари, а субвенционирањето ќе се одвива по принципот „прв дојден, прв услужен“, информира Општината за одлуката која ја донесоа советниците на вчерашната седница.
