Организацискиот одбор на Париз 2024 им се извини на католиците и другите христијански групи кои беа огорчени од сцената за време на церемонијата на отворањето што ја евоцира сликата на Леонардо да Винчи „Последната вечера“ со трансродова манекенка и гол пејач кој требаше да го преставува грчкиот бог на виното.
Настапот на кој учествуваа членовите на групата „Драг Рејс Франс“, трансродова манекенка и гола пејачка во улогата на старогрчкиот бог на виното Дионис, наликуваше на библиската сцена на Исус Христос и неговите апостоли како ја делат последната вечера пред распнувањето. Поставувањето на сликата на Да Винчи предизвика гнев кај католиците и другите христијани, особено во САД, но организаторите тврдат дека немало намера да покажат непочитување кон верниците.
-Пародијата на библиската сцена, изведена на позадината на реката Сена, имаше за цел да го протолкува Дионис и да ја подигне свеста „за апсурдноста на насилството меѓу луѓето, напишаа организаторите на X.
Комитетот беше принуден да се извини откако настапот предизвика бес кај католиците, христијанските групи и конзервативните политичари ширум светот.
-Јасно е дека никогаш немало намера да се покаже непочитување кон која било религиозна група. „Церемонијата на отворањето“ се обиде да ја прослави толеранцијата на заедницата. Веруваме дека оваа амбиција е остварена. Ако луѓето се навредиле, навистина ни е жал, рече портпаролката на Париз 2024, Ен Декамп на прес-конференција.
Томас Џоли, уметничкиот директор и мозокот на раскошната церемонија на отворање, рече дека религиозната субверзија никогаш не била негова намера, но „тие сакале да зборуваат за различноста бидејќи тоа значи да се биде заедно“. „Едноставно кажано, сакавме да ги вклучиме сите“, им рече Џоли на новинарите.
Тој додаде дека настанот не требало да „биде субверзивен, да ги шокира луѓето или да ги исмева луѓето“. Објасни дека не бил инспириран од „Тајната вечера“.
– Дионис е тој што пристигнува на масата. Дионис е грчкиот бог на веселбите и на виното и е татко на Секвана, божицата на реката Сена, рече тој во телевизиско интервју.
Католичката црква во Франција изрази жалење за церемонијата која „вклучува сцени на потсмев и исмејување на христијанството“.
Монсињор Емануел Гобилијар, делегат на бискупите на Франција за Игрите, рече дека некои француски спортисти имале проблеми со спиењето поради последиците од контроверзноста.
Надбискупот Чарлс Сциклуна, највисокиот католички функционер во Малта и службеник на моќната доктринална канцеларија на Ватикан, рече дека контактирал со францускиот амбасадор во Валета за да се пожали за „бесплатната навреда“.
Италијанската бискупска конференција рече дека она што требаше да биде прослава на француската култура доби „неочекувано негативен пресврт, станувајќи парада на банални грешки, придружени со банални и предвидливи идеологии“.
