Македонската кошаркарска екипа „ТФТ“ доживеа нов пораз во АБА2 лигата на турнирот што се игра во Суботица. Во првото коло клубот од Тафталиџе беше надигран од Златибор со 93:74, додека пак вечерва поуспешен од нив беше составот на Широки Бријег и тоа со резултат 85:66.
Од друга страна кошаркарите на битолски Пелистер го победија словенечкиот клуб Шенчур во возбидлив натпревар кој имаше и продолженија. На крајот резултатот беше 82-78 за битолчани. Па така со победа го почнаа својот настап во АБА 2 лигата.
Во истата лига пораз доживеа МЗТ Скопје, екипата која има амбиции да се врати во елитната прва АБА лига. Аеродромци загубија од дебитантот Цедевита Јуниор.
