Поставени се нови гумени платоа за забавување на брзината на движење на возилата на улицата „Васко Карангелевски“, соопшти денеска градското ЈП „Улици и патишта“.
До ова доаѓа по вчерашната сообраќајна незгода во која при сударот на две возила е повредена една жена. Освен ова, бројни граѓани реагираа на пропустите во изградбата и недоволната безбедност на оваа улица којашто неодамна беше реконструирана.
-Во текот на изминатиот ноќ во периодот од 22 часот до 7 часот утрово екипи на претпријатието при редовната контрола и обиколка на вертикалната сигнализација на градските сообраќајници извршија замена на оштетени сообраќајни знаци на улицата „Васко Карангелевски“ и ги поставија новите гумени платоа за забавување на брзината на движење на возилата, соопшти градското јавно претпријатие.
Освен ова, на улицата „11-ти Октомври“ беше обележана хоризонталната сигнализација на пешачките премини со ладна пластика. Обновата на сообраќајната сигнализација се извршува со цел зголемување на безбедноста на учесниците во сообраќајот.
