Министерството за внатрешни работи ја информира јавноста дека денеска поради најавено одржување на Марш за женски права, со почеток во 18:00 часот, полициски службеници од СВР Скопје ќе преземат мерки за посебен режим на сообраќајот.
Притоа, како што соопштуваат од МВР, трасата на движење е од плоштадот „Филип II Македонски“, во продолжение по ул. „11 Март“, право на бул. „Гоце Делчев“, десно по бул. „Илинден“, лево по бул. „Св. Климент Охридски“, лево по ул. „Димитрие Чуповски“, во продолжение по ул. „11 Октомври“ и лево до парк „Жена борец“.
Секторот за внатрешни работи Скопје апелира до сите граѓани да ги почитуваат наредбите што ги издаваат полициските службеници по сообраќајниците каде што ќе се одвива маршот со цел безбедност на сите учесници во сообраќајот.
