Во Тетово на улица „Илинденска“ вчера околу 09.30 часот полициски службеници на СВР Тетово ги лишиле од слобода Л.Т.(32) од тетовско Одри и А.А.(34) од тетовско Слатино.
Како што соопштија денеска од МВР, тие се сомничат дека извршиле кражба од објект во изградба на улица „Илинденска“, сопственост на 57-годишниот С.Х. од тетовска Мала Речица, а во чија фирма двајцата биле вработени.
Тие биле задржани во Полициската станица Тетово и по документирање на случајот ќе биде поднесена соодветна пријава.
