Празничното утро Во Скопје почна со дожд и ветер. Метеоролозите предвидуваат дека во текот на денот ќе биде променливо облачно со повремен дожд.
Околу пладне во делови од котлината ќе има краткотрајно невреме со пороен дожд, засилен ветер и појава на грмежи.
Минималната температура ќе се спушти до 7, а максималната ќе достигне до 18 степени.
И во останатиот дел од Македонија времето денеска ќе биде променливо облачно со повремени врнежи од дожд, кои на повеќе места ќе бидат поројни.
Минималната температура ќе биде во интервал од 4 до 10, а максималната ќе достигне од 13 до 19 степени.
Од утре ќе настапи преодно стабилизирање на времето.
