Времето денес ќе биде поменливо облачно со локални врнежи од дожд.
Претпладне ќе дува слаб до умерен ветер од јужен правец, кој од пладне ќе го промени правецот во северен и долж Повардарието повремено ќе засилува. Минималната температура ќе биде во интервал од 3 до 9, а максималната ќе достигне од 10 до 16 степени, јавува УХМР.
Во Скопје претежно облачно со повремени врнежи од дожд. Ќе дува умерен, повремено засилен ветер од северен правец. Минималната температура ќе се спушти до 5, а максималната ќе достигне до 12 степени.
Во првите два дена од новата седмица ќе има преодно стабилизирање на времето, а нов влажен бран со врнежи од дожд, а на планините од снег се очекува во среда и четврток.
