Регулаторната комисија за енергетика и денеска, трет ден по ред, ќе носи одлука за цените на нафтените деривати кои ќе важат од полноќ.
Одлуката ќе биде соопштена во текот на денот.
Цените на горивата се носат врз основа на изменетиот Правилник за одредување на малопродажните цени на нафтените деривати со кој РКЕ може секој ден да носи одлуки за промена на цените на горивата доколку пресметката за цената на било кој нафтен дериват оди нагоре или надоле за два денара.
За пресметката се зема просекот од претходните петдневни котации на берзата и воопшто не влијае цената на суровата брент нафта на светскиот пазар.
