Македонската претставничка во таеквондо на Олимписките игри во Париз, Миљана Рељиќ, беше поразена од Летициа Аjун од Либан.
Борбата беше апсолутно израмнета, Летисија Ајун ја доби првата рунда со 9-8. Во втората беше уште поизрамнето, таа рунда заврши со 6-6, а Македонката загуби само поради тоа што противничката имаше удар во глава кој тежи повеќе.
Ајун во полуфиналето ќе се бори со светската шампионка Нахид Киани. Ако Либанката победи и се пласира во финалето, тоа би ја повлекло и Рељиќ во репасажот и битката за бронза.
