Повеќе македонски градови вчера и денеска се со високо загаден воздух. Воздухот што деновиве струи над земјите од Медитеранот, вклучувајќи ги тука и земјите од регионот, не носи само топлина, туку и песок, кој ќе биде особено присутен денеска, а вчера беше видлив на сателитските снимки, објавија повеќе специјализирани портали и метеоролошки институции.
Прашината од Сахара придонела за поголема загаденост. Високо загаден е воздухот во Битола, Охрид, Кичево, Берово, Струмица, Кавадарци, Велес, делови од Скопје и Лазарополе. Тетово, Прилеп и Гостивар се средно загадени.
Прашина од Сахара има во повеќе земји во опкружувањето.
