Докторот Сашко Кедев завчера успешно го искачи врвот Монт Чо Оју, висок 8.201 метри во Непал, заедно со уште четворица алпинисти од Јапонија, Пакистан, Непал и тројца шерпаси. Тимот успешно стигна до шестиот врв на светот според височината во 12:30 часот, само пет дена по преминувањето на границата со Тибет.
-Тимот беше добро аклиматизиран од нивната експедиција во Манаслу, објави на официјалната страница организаторот на експедицијата.
Планината Чо Оју е 6-та највисока планина во светот, со надморска височина од 8.201 метар, која се наоѓа на границата Непал-Тибет на 20 километри западно од Монт Еверест во масивот Махалангур. Чо Оју на тибетски значи „тиркизна божица“.
-Честитки до сите членови на тимот за безбедното и успешното искачување, објавија на страницата на Инстаграм на Имеџин Непал.
