Општина Карпош започна со реконструкција на улицата „Шекспирова“ во населбата Карпош 2. Во тек е ископ на постоечката оштетена подлога, а за непречено одвивање на изведбените работи, воспоставен е и нов сообраќаен режим.
Поставена е нова сообраќајна сигнализација (знаци), со цел полесно и побезбедно одвивање на сообраќајот додека траат инфраструктурните активности.
Претстои реконструкција на 260 метри од улицата, при што ќе се обноват и рабниците, како и пешачките зони – тротоарите.
Од скорешните и идните активности, од Карпош посочуваат дека заврши реконструкцијата на улицата „Мирка Гинова“, а деновиве претстои асфалтирање и на ул. „Париска“ во Тафталиџе, како и на „Иван Аговски“.
