Со денешно бесплатно скијање започна скијачката сезона на ски-центарот “Стрежево“ – Нижеполе, кај Битола. Традиционално, сите посетители на располагање имаат два ски лифта, а ќе има и ноќно скијање.
И оваа сезона скијањето на ски патеката со која стопаниува “Стрежево“ од Битола ќе биде достапно за посетителите по поволни цени.
-Синоќа со наша механизација и камиони од „Македонија пат“ се овозможи патот да биде прооден и проширен по интензивните снежни врнежи деновиве, а се чисти и паркинг просторот наменет за посетителите на ски-центарот Стрежево, и воедно се завршува со уредување и обележување на постојните скијачки патеки, вели директорор на “Стрежево“ Менде Граматковски.
Денес ќе биде ставена во функција и редарската служба.
