На подрачјето на Македонија времето денеска ќе биде сончево и топло со мала до умерена облачност. Ќе дува слаб до умерен ветер претежно од северозападен правец. Попладне претежно во северните и источните делови ќе има услови за изолирана појава на нестабилност со краткотраен пороен дожд и грмежи.
Утринската температура се движеше од 8 до 14 степени, а дневната ќе биде од 18 до 29 степени.
Во Скопје сончево и топло со мала до умерена облачност и со умерен ветер од северозападен правец.
Температурата изутринава изнесуваше 10, а преку ден ќе достигне 27 степени.
