Германската полиција објави дека спречила група десничари да извршат државен удар во Германија, пренесуваат германските медиуми.
Во координирана акција низ цела Германија приведени биле 25 екстремни десничари, вклучувајќи и поранешни офицери, осомничени дека планирале оружен напад врз Рајхстагот и преземање на власта. Во центарот на планот бил 71-годишен Германец, познат како „Принцот Хајнрих Тринаесетти“.
– Членовите на движењето не го прифаќаат легитимитетот на германската држава. Тие често одбиваат да плаќаат даноци и собираат нелегално оружје. Движењето е составено од помали групи со називи како „Конфедерација на германскиот Рајх“ или „Кралство Германија“, велат од германската полиција.
Германската разузнавачка агенција проценува дека движењето има околу 21.000 приврзаници.
