Тинејџерка (16), која била на одмор на Касандра, Халкидики, починала од алергиски шок откако конзумирала храна во локален ресторан. Според грчките медиуми, тинејџерката отишла на ручек во ресторан. Кога нарачала, прашала дали храната содржи состојка која и’ е забранета и на која е алергична. Според извештаите, од ресторанот ѝ кажале дека во јадењето што го нарачала ја нема таа состојка, па таа мирно го јадела својот оброк.
Откако го завршила ручекот, доживеала алергиски шок. Брзата помош пристигнала по 45 минути, но веќе било доцна.
За да се дознае точната причина за смртта на девојчето ќе биде извршена обдукција, додека погребот ќе биде извршен денеска. Според последните информации на грчките медиуми, станува збор за девојче од Грција.
