Ужасно злосторство во кое е убиена една жена од страна на македонски државјанин се случило во германскиот град Дортмунд. Весникот Билд информира дека е убиена 30-годишна жена, а насилникот кој бил од Македонија ја избол со месарски нож пред очите на трите малолетни деца.
Според сознанијата, жената сакала да се раздели од насилниот сопруг кој бил македонски државјанин и да започне нов живот. Била наведува дека таа долго време трпела семејно насислтво, а на крајот на октомври се преселила со нејзините три деца во нов стан во Дортмунд.
По настанот мажот побегнал и ја оставил жената да крвари во ходникот. Малите деца го пријавиле случајот кај соседите. Децата биле на возраст од 3, 4 и 6 години.
Сторителот потоа бил фатен на автопат во Вирцбург, а се претпоставува дека тргнал да бега на пат кон Македонија. Моментално е во притвор во Нирнберг, од каде ќе биде префрлен во Дортмунд.
Децата првично биле згрижени од Канцеларијата за заштита на младите и прегледани во Детска клиника.
