Вчера на територијата на Македонија имаше вкупно 37 пожари на отворен простор, од кои во моментов 10 се активни, шест се под контрола и 21 се изгаснати, информираат од Центарот за управување со кризи.
Активни се пожарите во општините Македонски Брод и Пехчево каде што гори борова и мешана шума. И денеска таму ќе бидат насочени дел од воздухопловите и голем број на пожарникари, војници и доброволци.
Во Општина Новаци кај селата Полог – Тапевци – Гнилеж – Паралово годи ниска вегетација.
Од врвот Магоро на Галичица кон Стење се шири пожар на нискостеблеста вегетација.
На територијата на Општина Кичево активни се четири пожари – кај селото Патеец, кај селата Челопеци и Бигор Доленц, Зајас, а дабова шума гори кај Туин и Калешовци.
Во Општина Пласница гори нискостеблеста вегетација кај селата Пласница и Латово.
Дабова шума годи кај Пресека, Општина Кочани.
Под контрола се пожарите кај ТЕЦ Неготино, на Илинска Планина, кај Папрадиште и депониите кај Делчево, Липково и Кочани.
