Ветерот кој што од ноќеска дува на скопското подрачје го исчисти водухот во македонската метропола кој што во изминативе денови беше прекумерно загаден. Тоа утринава го покажува и интернет страница IQAir на кој Скопје се најде на 117-тото место според загаденоста на воздухот. Листата, инаку, содржи 120 метрополи.
Податоците покажуваат дека индексот на загаденоста е 15, а со што квалитетот на воздухот се означува како „добар“. Индексот на концентрацијата на штетните ПМ 10 честички околу 9 часот е 3,4 микрограми, а на ПМ 2,5 честички 2,7.
Неколкудневен ноемвриски малку постуден бран беше доволен Скопје одново да е високо на светската ранг-листа на градови со прекумерно загаден воздух. Во овој период, меѓутоа, изостанаа конкретни мерки на надлежните државни и градски власти за да се намалат последиците од загадувањето. Така, пак се потврди дека граѓаните единствена помош може да добијат од ветрот…
