Ноќта помеѓу саботата и неделата, односно меѓу 28 и 29 октомври во три часот по полноќ стрелките на часовникот ќе се поместат еден час наназад. Зимското сметање на времето почнува секој последен викенд во октомври и трае до последниот викенд во март следната година, кога повторно настапува летно сметање на времето.
Дебатата за укинување на зимското и летното сметање пред неколку години ја отвори Европската комисија пред неколку години. Тогаш во онлајн-анкета дури 83 отсто од жителите на ЕУ се изјаснија дека се „за“ укинување на ваквиот начин на сметање.
