Владата на ВМРО-ДПМНЕ ја укина одлуката за зголемени нотарски услуги донесена од владата на СДС и ДУИ, соопшти денеска владеачката партија.
Во партиското соопштение се наведува дека Владата на вчерашната седница донесе Одлука за престанување на важење на согласноста за зголемување на нотарската тарифа.
-СДС и ДУИ сакаа несразмерно да ги наградат Нотарите, на сметка на народот. СДС и ДУИ со секоја своја одлука земаа пари од џебот на народот. Владата на ВМРО-ДПМНЕ ги исправа неправдите нанесени од СДС и ДУИ. Нема повеќе скапи услуги кај Нотарите. Ја враќаме државата на народот, додаваат од партијата.
