СДС владата ја претворила во партиски штаб платен со парите на граѓаните. Партиски паноа, флаери, партиски билтени, пропаганден материјал е сликата која е затекната во Владата, соопшти денеска ВМРО-ДПМНЕ.
Владеачката партија наведува дека во зградата на Владата се принтале материјали, се складирале партиски летоци…
-Но, важно Заев и Филипче кога беа дел од извршната власт ја тргнаа оградата и наводно ја отворија владата. Но зад оградата пустош. Си правеле тендери чии датуми ги антидатирале, наведуваат во оваа партија.
Се додава дека јавен повик за доделување на финансиска поддршка е креиран на 01.04.2022, а де факто е направено како да е направен 21.05.2021, цела година и повеќе порано.
-Ова е кривично дело и за кое водството на владата од СДС треба да одговара. Партиски флаери низ државни канцеларии. СДС брутално ја злоупотребиле позицијата и државните ресурси. За ова мора да има одговорност. Ограбената држава е најголемото достигнување на СДС, нагласуваат од ВМРО-ДПМНЕ.
