Во Австралија има вкупно 111.352 лица со македонско потекло според пописот на населението направен минатата година на петиот континет, објави австралиското CBS радио.
-Од нив 66.173 изјавиле дека го зборуваат македонскиот јазик дома, се наведува во информацијата.
Според информациите од Австралија, бројот на попишани кои зборуваат дома македонски е поголем за околу 170 во споредба со пописот пред пет години, а бројот на граѓани што се изјасниле како Македонци е зголемен од 97.000 на сегашните 111.352, што е потврда дека продолжува иселувањето на овој континент.
Пописот покажа дека во Нов Јужен Велс има 43,775 лица со македонско потекло, а македонски дома зборуваат 28,091, во Викторија – 49,429, македонски дома зборуваат 29,356 Квинсленд – 3,335, македонски дома зборуваат 1,386, Јужна Австралија – 1,817, македонски дома зборуваат 610, Тасманија – 133, македонски дома зборуваат 30, Северна Територија – 78, македонски дома зборуваат 19, Австралиска главна територија 1,458, македонски дома зборуваат 764.
