Македонското МНР е гордо како претседателствуваше со ОБСЕ. Но, дали во самото министерство има работи кои не се за гордеење?
Прашањето се наметнува и по најновата реакција на македонскиот Дипломатски Синдикат. Имено, синдикалците изразуваат загриженост по наводите искажани од нивниот член Викторија Трајков, дека и е одземен безбедносниот сертификат, а воедно и се ускратува законски загарантираното право на дипломатска патна исправа.
-Се поставува прашањето дали овие дејствија се реакција поради нејзините јавно искажани ставови кон раководството на министерството.
Синдикатот потсетува дека вакви притисоци беа нотирани и во изминатите неколку години за повеќе колеги по однос на истата проблематика, односно јавен настап вон работно време. МДС смета дека етичкиот кодекс на министерството не смее да го ограничува правото на јавно изразување на мислење и врз основа на тоа спорниот „член 17“ го оспори пред Уставниот Суд на РМ.
Имајќи го во предвид горенаведеното, МДС бара да се преиспита одлуката за ускратување на правото на дипломатска патна исправа на редовно вработен дипломат во министерството а воедно да се престане со притисоци од овој вид, соопштуваат од Македонскиот Дипломатски Синдикат, пренесува Макфакс.
Ете се отвора нова работа каде може да се истакне министерот Бујар Османи, ќе реагира ли?
