Во недела, на 2 јуни, ќе се одржат локални избори во 90 градови и општини во Србија, меѓу кои Белград, Нови Сад и Ниш.
Предизборниот молк пред локалните избори во Србија почнува на полноќ и ќе трае до затворање на гласачките места на 2 јуни во 20 часот, јави Бета.
Во тој период, на медиумите и јавните собири им е забрането да презентираат кандидати и партиски програми, да ги повикуваат гласачите да гласаат и да објавуваат оценки за изборните резултати.
Во недела, на 2 јуни, ќе се одржат локални избори во 90 градови и општини во Србија, меѓу кои Белград, Нови Сад и Ниш.
Претседателката на Собранието на Србија, Ана Брнабиќ, на крајот на април распиша избори за 2 јуни во 66 единици на локалната самоуправа, во истиот ден кога ќе се одржат изборите за советници на градското собрание на Белград, како и за градските општини.
Избори за градски советници се одржуваат во Ваљево, Вршац, Зрењанин, Јагодина, Кикинда, Ниш, Нови Сад, Панчево, Пожаревац, Сомбор, Сремска Митровица, Суботица, Ужице и Чачак.
Ќе се гласа и за 52 општински собранија. Истиот ден ќе бидат избрани советници во 17 белградски општини. Во Ниш ќе се одржат избори за советници на пет општини во тој град.
