Голема трагедија се случила денеска на експресниот пат Штип – Кочани. Во сообраќајна несреќа две лица го загубиле животот, а има и други повредени лица.
– Две жртви и повредени лица има во тешката сообраќајна несреќа која се случила денеска во 12.42 часот на експресниот пат Штип-Кочани во близина на селото Чешиново, изјави портпаролот на СВР-Штип, Гордана Панајотова.
Која е причината за големата трагедија и кои се жртвите се уште не е соопштено. Од полицијата се очекуваат повеќе информации во текот на денот.
