Во текот на вчерашниот ден изречени се вкупно 125 санкции, меѓу кои возење без возачка дозвола 15 лица, а за пречекорување на дозволената брзина на движење изречени се 33 прекршоци, на територијата на град Скопје, соопшти денеска МВР.
Ова е значително помал број на изречени казни, но и санкции за пречекорување на дозволената брзина во споредба со изминативе денови. Тоа го отвора прашањето дали скопските возачи стануваат подисциплинирани или, пак, полицијата имала помалку контроли?
МВР денеска информира и дека се регистрирани технички неисправни и нерегистрирани осум возила, додека 61 возило се подигнати со пајак.
– Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот, порачуваат од МВР.
