Во Скопје, времето ќе биде променливо облачно со повремен слаб дожд. Ќе дува умерен до засилен ветер од северен правец. Минималната температура ќе се спушти до 7, а максималната ќе достигне до 17 степени, соопштуваат од Управата за хидрометеоролошки работи.
И во другите делови од Македонија времето ќе биде променливо облачно со слаб локален дожд. Ќе дува умерен, а во западните делови засилен ветер од западен правец, кој попладне во северните делови ќе го промени правецот во северен. Минималната температура ќе биде во интервал од 3 до 8, а максималната ќе достигне од 13 до 19 степени.
