Државната изборна комисија донесе одлука за важечки ливчиња во кутиите за гласање да се сметаат сите оние на кои е видлив изборот на гласачот, без разлика дали ливчето има печат од Избирачкиот одбор или не. Оваа одлука е донесена вчера, на само пет дена пред вториот изборен круг, и е спротивна на она што е пропишано со Изборниот законик.
Прашањето е зошто се одлучува нешто вакво токму сега? ДИК ќе мора да даде аргументирано образложение, оти откако одлуката излезе не стивнуваат реакциите на социјалните мрежи во насока на тоа дека се подготвуваат некакви изборни нерегуларности.
Уште повеќе дискутабилна е оваа новина откако единствениот член кој не гласал за одлуката е Кренар Лога од Алијанса за Албанците, за дел од медиумите на албански јазик изјавил дека се сомнева дека ова се прави тенденциозно. Сите останати членови на ДИК ја поддржале одлуката.
Инаку според членот 109 став 2 од Изборниот законик „гласачкото ливче се откинува од кочанот на блокот по нумерички редослед, му се става печат на предната страна и потоа му се дава на избирачот.“
