Шеесет и тригодишен скопјанец падна од мотоцикл во скопската населба Драчево.
Според информациите од полицијата, несреќата се случила на крстосница од улиците „Антон Димитров“ и „Румена Хаџипанзова“.
Р.А.(63) од Скопје, управувајќи мотоцикл паднал на коловозот. Во несреќата мотоциклистот се здобил со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје, велат од МВР.
